У Варшаве ўшануюць памяць Ігнацыя Яна Падэрэўскага

Увечары ў Каралеўскім замку ў Варшаве адбудзецца канцэрт з нагоды дня нараджэньня Ігнацыя Яна Падэрэўскага (Ignacy Paderewski). Сёньня адзначаем 156-ю гадавіну з дня нараджэньня кампазытара, піяніста, былога прэм'ера й міністра замежных спраў Польшчы.

Канцэрт адбудзецца ў рамках III Міжнароднага фэстывалю Падэрэўскага, арганізаванага Фондам „AVE ARTE”.

Раней, у Архікатэдральнай базыліцы імя Пакутніцтва Сьвятога Яна Хрысьціцеля ў Старым горадзе ў Варшаве адбылося набажэнства за ўпакой душы вядомага польскага кампазытара.

Ахвотныя маглі прыняць удзел у прагулцы „Па сьлядах Падэрэўскага”, то бок наведаць месцы ў Варшаве, зьвязаныя зь дзейнасьцю кампазытара.

аз