Прэзыдэнт Анджэй Дуда выказаў спачуваньні нямецкаму народу

Анджэй Дуда напісаў, што ад імя польскага народа й ад сябе асабіста выказвае самыя глыбокія спачуваньні родным трагічна загінуўшых, а таксама ўсім грамадзянам Фэдэратыўнай Рэспублікі Германія.
«Мы падзяляем боль нямецкага народа. У гэтыя драматычныя хвіліны нашы думкі й малітвы накіроўваем да ахвяраў, іх семʼяў і блізкіх», – гаворыцца ў тэлеграме спачуваньняў кіраўніка польскай дзяржавы.
Раней спачуваньні нямецкаму народу выказала прэмʼер-міністар Польшчы Бэата Шыдла.
Як паведамлялася, у пятніцу ўвечары 22 ліпеня ў Мюнхэне 18-гадовы немец іранскага паходжаньня застрэліў у гандлёвым цэнтры 9 чалавек, пасьля чаго зьдзейсьніў самагубства. Усяго былі параненыя 27 чалавек, зь іх 10 знаходзяцца ў цяжкім стане.

вс