11 ліпеня спаўняецца 73 гады «крывавай нядзелі» на Валыні
PR dla Zagranicy
Jolanta Śmiałowska
11.07.2016 09:13
Валынскае злачынства гэта была этнічныя чыстка, якую зьдзейсьнілі ўкраінскія нацыяналісты з УПА і фракцыі Сьцяпана Бандэры АУН-Б.
Валынскае злачынства. Photo: Władysława Siemaszków, Ludobójstwo, page 1294, from Henryk Słowiński collection/wikipedia.org/Domena publicznaPhoto: Władysława Siemaszków, Ludobójstwo, page 1294, from Henryk Słowiński collection/wikipedia.org/Domena publiczna
11 ліпеня 1943 Украінская паўстанцкая армія (УПА) правяла скаардынаваную атаку на каля ста вёсак і гарадоў ва Ўсходняй Галіцыі й Валыні, населеных у асноўным палякамі .
Валынскае злачынства гэта была этнічныя чыстка, якую зьдзейсьнілі ўкраінскія нацыяналісты з УПА і фракцыі Сьцяпана Бандэры (АУН-Б). Дзейнасьць УПА ў 1943-1944 гадах польскі Інстытут нацыянальнай памяці назваў генацыдам.
Гісторыкі падлічылі, што падчас забою на Валыні загінулі каля 100 тысяч чалавек.
На мінулым тыдні Сэнат польскага парлямэнту ўшанаваў памяць ахвяр спэцыяльнай ухвалай. Сэнатары таксама пастулююць 11 ліпеня ўсталяваць Нацыянальны дзень памяці ахвяр генацыду, учыненага ўкраінскімі нацыяналістамі на грамадзянах Другой Рэчы Паспалітай.
Сярод польскіх і ўкраінскіх гісторыкаў няма згоды адносна асноўных фактаў датычных трагедыі на Валыні. Па рознаму апісваецца колькасьць ахвяр і матывы дзеяньня. Украінская паўстанцкая армія тое, што адбылося на Валыні ў гады 1943-1944 называе «антыпольскай акцыяй».
яс