У Польшчы ўзводзіцца сыстэма СПА ЗША

Паводле амбасадара ЗША ў Польшчы, будаўніцтва вайсковай базы ў Рэдзікове (поль. Redzikowo) – гэта супольны польска-амэрыканскі ўклад у абарону ад ракетнай пагрозы з боку Блізкага Ўсходу.

Амбасадар Пол Джонс сказаў у Першай праграме грамадзкага Польскага радыё, што будаўніцтва базы завершыцца ў 2018 годзе.

Пол Джонс: Рэалізацыя гэтага праекту праходзіць згодна з плянам ужо некалькі гадоў. Гэта польска-амэрыканскі ўклад у абарону супраць ракетнай пагрозы з тэрыторыі Блізкага Ўсходу. Праца пры будаўніцтве базы будзе працягвацца яшчэ два бліжэйшыя гады. Акрамя таго, зьявяцца таксама амэрыканскія вайскоўцы, якія будуць адказваць пра дзейнасьць гэтай базы. Гаворка ідзе пра 150-200 вайскоўцаў, якія прыбудуць у Польшчу цягам 1,5-2 гадоў.

У гэтую пятніцу ў вёсцы Рэдзікoва каля гораду Слупск (поль. Słupsk) у Паморскім ваяводзтве адбудзецца ўрачыстая інаўгурацыя будаўніцтва базы. Дэлегацыю ЗША на мерапрыемстве будзе ачольваць намесьнік міністра абароны ЗША Робэрт Лорк (анг. Robert Orton Work).

База ў Польшчы прызначана для захоўваньня й запуску ракетаў «зямля-паветра» SM-3. Гэта частка ініцыяванай урадам ЗША праграмы пад назвай «Эўрапейскі супрацьпаветраны шчыт».

аз