Эўрапейскія хаўрусьнікі Ле Пэн сустрэнуцца ў шахце пад Кракавам (фота)

У склад гэтай палітычнай сілы ўвходзяць эўраскептыкі й нацыяналісты з розных краін Эўропы. На сустрэчу запрошаная лідарка францускага Нацыянальнага фронту Марын Ле Пэн, але свой удзел яна пакуль не пацьвердзіла.

Бюро саляной шахты ў Вялічцы пацьвердзіла інфармацыю пра тое, што зьезд пройдзе 18-19 лютага ў канфэрэнц-зале. Арганізатары зьезду з польскага боку кажуць, што сустрэча будзе прысьвечаная эканоміцы.

Група Эўропа Народаў і Свабоды была створаная па ініцыятыве Марын Ле Пэн. У яе склад уваходзіць 38 дэпутатаў з васьмі краін, пераважна з галяндзкай Партыі Свабоды, Свабоднай партыі Аўстрыі й італьянскай Паўночнай Лігі.

Шахта ў Вялічцы – гэта адзін з самым папулярных турыстычных абектаў у Польшчы. Яна знаходзіцца ў Сьпісе сусьветнай спадчыны UNESCO.

дг

Канфэрэнц-заля ў саляной шахце ў Вялічцы/wieliczka.pl