Польскія лекары ўстанавілі найменшы ў сьвеце кардыёстымулятар

Польскія лекары ўстанавілі найменшы ў сьвеце кардыёстымулятар. Новая тэхналёгія была ўпершыню выкарыстаная ў Польшчы спэцыялістамі з Познані й Забжа.

Кардыёстымулятар мае 24 мм, каля 6 мм дыямэтру, важыць 1 грам і зьяўляецца на 90% меншым і лягчэйшым, чым кардыёстымулятары, якія выкарыстоўваліся дагэтуль.

Найважнейшай розьніцай, акрамя велічыні, зьяўляецца адсутнасьць клясычнага электрода, які заўсёды зьяўляецца найслабейшым элемэнтам стымулятара сэрца. Новая прылада, памерам звычайнай таблеткі, устанаўліваецца праз пракол сьцегнавой вены, а не як звычайна, у выніку разрэзу скуры пад ключыцай. Кардыёстымулятар уводзіцца ў правы страўнічак сэрца, там яго зачапляюць, дзе ён і застаецца.

Гэтая сучасная прылада нашмат даражэйшая, чым традыцыйны стымулятар. Аднак, паводле кардыёлягаў, ёсьць выпадкі, калі такі кардыёстымулятар нельга замяніць іншым, традыцыйным.

ав