З-за тумана варшаўскі аэрапорт не прымае самалётаў

Варшаўскі міжнародны аэрапорт «Модлін» не прымае самалётаў. Прычына – густы туман, які ахутаў лётнішча. Частка рэйсаў перанакіраваная ў другі сталічны аэрапорт імя Фрыдэрыка Шапэна, а частка – у іншыя гарады. Так, самалёт з аэрапорту «Брусэль-Шарльлеруа» быў накіраваны ў Гданьск.

Нагадаем, у польскай сталіцы ёсьць два грамадзянскія аэрапорты: разьмешчаны ў межах горада аэрапорт імя Фрыдэрыка Шапэна й аэрапорт «Модлін», які знаходзіцца па-за рысай Варшавы. Цяпер «Модлін» выкарыстоўваецца выключна адной авіякампаніяй: нізкатарыфнымі авіялініямі «Ryanair». Аэрапорт імя Шапэна ў сваю чаргу – гэта адно з буйнейшых лётнішчаў у нашым рэгіёне Эўропы.

вс