Карціна Хэлмоньскага вяртаецца ў Польшчу

Праз больш чым 80 гадоў у Польшчу вярнулася карціна Юзэфа Хэлмоньскага. Праца аднаго з самых выбітных польскіх мастакоў будзе прададзеная на аўкцыёне.

Карціна пад назовам „Заход сонца на балотах” была знойдзена ў Ізраілі. З Польшчы яна была легальна вывезена ў 1932 годзе.

Заўтра ў Варшаве ў аўкцыённым доме „Agra-Art” вобраз будзе ўпершыню паказаны, а 6 сьнежня адбудзецца продаж.

Хоць карціна Юзэфа Хэлмоньскага не знаходзіцца ў сьпісе страчаных твораў мастацтва, але яе лёс таксама таямнічы, як іншых твораў, што зьніклі падчас Другой сусьветнай вайны. Не вядома, што адбывалася з карцінай цягам некалькі дзесяцігодзьдзяў.

Карціна Юзафа Хэлмоньскага „Заход сонца на балотах” была напісана ў 1900 годзе. Праўдападобна яна апынулася ў прыватных руках.

Да гэтага часу пра свой намер удзельнічаць у аўкцыёне 6 сьнежня не паведамілі ніводзін польскі музэй ці культурная ўстанова.

аз