„LOTOS” інвэстуе ў чарговае радовішча ў Нарвэгіі

Група „LOTOS”, праз сваю даччыную кампанію, пераймае наступныя газавыя радовішчы ў Нарвэгіі. У канцы мінулага тыдня па гэтай справе было падпісанае адпаведнае пагадненьне.

Уступны кошт інвэстыцыі складае 160 млн. даляраў. Чакаецца, што зьдзелка будзе завершана ў сьнежні бягучага году. Цяпер кампанія „LOTOS” чакае адпаведных дазволаў з боку нарвэскай адміністрацыі.

Пакет акцый, які пераняла кампанія „LOTOS Norge”, уключае ў сябе акцыі газавага радовішча Слейпнэр. Апрача палякаў, акцыі радовішча купілі кампаніі „Total” і „Exxon Mobil”.

Паводле кіраўніцтва кампаніі „LOTOS”, новая пакупка ўпісваецца ў палітыку павелічэньня энэргетычнай бясьпекі Польшчы.

аз