Польшча згуляе на EURO 2016

Зборная Польшчы пад кіраўніцтвам Адама Навалкі перамагла ўчора вечарам Ірляндыю 2:1 і запэўніла сабе ўдзел на Чэмпіянаце Эўропы 2016. Пераможны гол забіў Робэрт Левандоўкі, які пацьвердзіў сваю фантастычную форму з апошніх тыдняў.

Нядзеля 11 кастрычніка ўвойдзе ў гісторыю польскага футболу. Польскія футбалісты выбілі сабе ўдзел у EURO 2016. Ірляндцы стварылі бела-чырвоным складаныя ўмовы, аднак палякі сыходзілі з поля Нацыянальнага стадыёна ў Варшаве пераможцамі.

Перад матчам трэнэр павінен быў вырашыць, як залатаць дзіркі ў камандзе пасьля таго, як у выніку траўмаў з гульні выбылі Аркадыюш Мілік, Мацей Рыбус і Томаш Ядловец.

Галы забілі футбалісты, якія не без прычыны лічацца лідарамі каманды. Гжэгаж Крыховяк і Робэрт Левандоўскі забілі па голу.

Польскія заўзятары нарэшце дачакаліся зборнай вышэйшага клясу. Героем матчу зь Ірляндыяй зьяўляецца цэлая каманда, у якой бачна добрая атмасфэра й прагрэс з кожным матчам.

2 сьнежня ў Парыжы пройдзе лёсаваньне груп будучага Чэмпіянату Эўропы па футболе, які будзе праходзіць у Францыі.

ав