Экс-прэзыдэнт Польшчы знайшоў працу

Былы прэзыдэнт Польшчы Браніслаў Камароўскі знайшоў працу, паведамляе газэта «Rzeczpospolita». Нагадаем, палітык прайграў прэзыдэнцкія выбары й на пачатку жніўня пакінуў пасаду лідара краіны. У вышэйшай навучальнай установе Collegium Civitas, якая была створаная па ініцыятыве навукоўцаў Польскай акадэміі навук, для былога прэзыдэнта Польшчы створаная асобная структура, якая называецца «Цэнтар палітычнай практыкі Браніслава Камароўскага».
У першым сэмэстры заняткі будуць праходзіць перш за ўсё для студэнтаў журналістыкі, пазьней іх фармат пашырыцца. Палітоляг з Варшаўскага ўнівэрсытэту Рафал Хвэдорук кажа, што гэта нядрэнная ідэя. «Напэўна гэта лепш чым тое, каб былы прэзыдэнт быў дэпутатам альбо сэнатарам», гаворыць экспэрт. Collegium Civitas пры гэтым падкрэсьлівае, што запрашае да супрацы таксама іншых былых палітыкаў, паведамляе газэта «Rzeczpospolita».

вс