Брытанская акадэмія ўзнагародзіла "Іду"

Узнагароду за найлепшы фільм на замежнай мове Брытанскай акадэміі кіно і тэлебачаньня (BAFTA) атрымаў фільм польскага рэжысэра Паўла Паўлікоўскага “Іда”. Польскі фільм быў сярод фаварытаў, але канкурэнцыя была моцная, перш за ўсё “Іда” змагалася ў гэтай катэгорыі з расейскай кінакарцінай “Левіафан”.

Для Паўла Паўлікоўскага гэта ўжо трэцяя ўзнагарода акадэміі BAFTA, пра што ён нагадаў падчас цырымоніі ўручэньня ўзнагародаў.

П. Паўлікоўскі: Я атрымаў прэмію за найлепшы дэбют, пазьней за найлепшы брытанскі фільм, а цяпер за найлепшы замежны. Давайце пакінем фармальнасьці і дайце мне адразу ўзнагароду за глябальныя дасягненьні жыцьця.

Брытанская акадэмія такім чынам кампэнсавала Паўлікоўскаму тое, што падчас змаганьня за ўзнагароду “Залаты глёбус” ён праіграў з расейскім фільмам “Левіафан” Андрэя Зьвягінцава.

ПР/нг