Посьпех польскіх коней

Польскія коні з гадоўлі ў Янаве Падляскім зноў здабылі міжнародны посьпех. Кабыла Пэпіта ў прэстыжным паказе падчас 32-га Кубка Нацый у нямецкім Аахене, стала віцэ-чэмпіёнкай у клясе старэйшых кабыл. Гаворыць дырэктар завода конегадоўлі ў Янаве Падляскім Марэк Трэля.

М. Трэля: Пэпіта – сівая кабыла, дачка Экстэрна і Пэпэшы. Яна зьяўляецца актуальнай чэмпіёнкай Польшчы, атрымала таксама званьне найлепшага коня спаборніцтваў. Паехала цяпер у Аахен, дзе перамагла з элітай – ня толькі з Эўропы, але і звонку. У сваёй клясе перамагла таксама Аль-Джазіра, сёлетняя чэмпіёнка Польшчы сярод маладых коней. Яна, праўда, не атрымала мэдаля, але спадзяюся, што іншым разам ёй гэта ўдасца.

Пераможцу паказаў Кубка нацый, кабылу Пэпіту некалькі гадоў таму прадалі на аўкцыёне ў Янаве Падляскім за рэкордную цану. Конегадоўца з Блізкага Ўсходу купіў яе за 1 млн 125 тыс. эўра.

нг