Польскае МЗС занепакоенае экспансіяй Ізраіля

Польскае МЗС занепакоенае будаваньнем ізраільскіх паселішчаў на Заходнім беразе Ярдану. На мінулым тыдні Ізраіль паведаміў пра тое, што прысвоіў каля 400 акраў зямлі недалёка ад Бэтлеема, каб пабудаваць там дамы для ізраільскіх пасяленцаў.

Паводле Міністэрства замежных спраў Польшчы, працяг будаўніцтва паселішчаў на акупаваных тэрыторыях пагражае мірнаму працэсу й шанцам на стабілізацыю дзьвюх дзяржаў: Ізраіля й Палестыны.

У ацэнцы польскага ведамства, гэткае рашэньне асабліва нявыгаднае ў сувязі з заключаным на мінулым тыдні перамір'ем, якое спыніла крывавы канфлікт у Сэктары Газа.

Раней дзеяньне Ізраіля асудзілі, між іншым, ЗША, а таксама Францыя й Эгіпет.

аз