Праваслаўнае паломніцтва на байдарках

Зь мястэчка Гарадок на Беласточчыне на байдарках стартавалі сёньня праваслаўныя паломнікі, якія плывуць у Супрасьль на сьвята тамтэйшай іконы Божай Маці.

Удзельнікі гэтага незвычайнага паломніцтва хочуць пераадолець шлях, па якім 500 гадоў таму плылі манахі.

Паводле старых аповедаў, манахі з Гарадка паклалі на ваду крыж, які прыплыў у Супрасьль. На гэтым жа месцы пазьней узьнік мужчынскі манастыр Благавешчаньне Прасьвятой Багародзіцы.

„Паломніцтва мае незвычайны характар. Яно дазваляе супакоіцца й праверыць свае сілы” - падкрэсьліваюць паломнікі.

Паломнікі: Мы хочам падзякаваць Богу за ўсё, што нас сустракае. Мы выбралі такое паломніцтва, бо гэта цікава, пазьней лягчэй прадумаць розныя жыцьцёвыя справы.

Паломніцтва на байдарках з Гарадка ў Супрасьль праходзіць ужо трэці раз. Для манастыра паломнікі даплывуць заўтра.

Сьвята Супраскай іконы Багародзіцы праваслаўныя вернікі адзначаюць 10 жніўня. З гэтай нагоды ў Супрасьль накіроўваюцца таксама ўдзельнікі пешых паломніцтваў з Гайнаўкі й Крынак. Заўтра выходзяць паломнікі зь Беластока.

аз