PKN Orlen прадасьць Мажэйкі казахам?

Польскі нафтавы канцэрн PKN Orlen праўдападобна прадасьць Мажэйкі казахам.

Казахскі KazMunaiGaz 8 гадоў таму супернічаў з PKN Orlen за большасны пакет акцыяў летувіскай НПЗ.

Газэта „Letuvos Rytas” напісала, што палякі неаднаразова сустракаліся з кіраўнікамі казахскага канцэрну, і што казахі чакаюць, калі PKN Orlen максымальна апусьціць кошт.

- „KazMunaiGaz” быў бы ў стане забясьпечыць стабільныя пастаўкі нафты ў Мажэйкі, аднак посьпех будзе залежаць ад маржы”, - лічыць старшыня ўправы Летувіскай асацыяцыі інвэстараў Вітаўтас Плюнксніс.

Складаная сытуацыя PKN Orlen Мажэйкі адбіваецца на функцыянаваньні прадпрыемстваў, якія супрацоўнічаюць з польскім канцэрнам. Летувіскія суполкі скарачаюць супрацоўнікаў.

PKN Orlen не хавае, што за апошні час у выніку пагаршэньня макраэканамічнай сытуацыі, перапрацоўка нафты ў Мажэйках абмежавана да мінімуму - да 60% вытворчай магутнасьці.

Экспэрт Інстытуту Сабескага Томаш Хмаль зазначае, што ў цэлай Эўропе нафтаперапрацоўчыя заводы змагаюцца з праблемамі.

Т.Хмаль: Калі казахскі інвэстар выступіў з прапановай - гэта дасканала. Аднак у Эўропе хутчэй за ўсё назіраецца тэндэнцыя зачыняць НПЗ, а не інвэставаць у іх. Кампаніі Сгэльль, Тоталь і іншыя ўжо заявілі аб закрыцьці гэтыя віды дзейнасьці.

PKN Orlen купіў акцыі Мажэек у 2006 годзе. За 54% удзелаў польская фірма заплаціў 1,5 мільярда даляраў. Толькі адзін раз, у 2012 годзе, кампанія зафіксавала прыбытак.

яс