Біскупы абмяркоўваюць пытаньне пэдафіліі ў Касьцёле

PAP/Jacek Bednarczyk

Старшыня Канфэрэнцыі эпіскапату Польшчы арцыбіскуп Юзэф Міхалік пацьвярджае: „Нулявая талерантнасьць пэдафіліі ў Касьцёле”.

Падчас сустрэчы, якая сёньня пачалася ў Варшаве, біскупы павінны зацьвердзіць асноўныя прынцыпы дадатка да правілаў Апостальскай сталіцы па справе барацьбы з пэдафіліяй сярод духавенства.

Між іншым, гэтыя правілы робяць акцэнт на абарону дзіцяці й больш старанную праверку кандыдатаў на сьвятароў.

Старшыня Канфэрэнцыі эпіскапату Польшчы таксама падкрэсьліў, што абарона дзяцей павінна закранацца больш шырока.

„Нельга замоўчваць зла, якім зьяўляецца пэдафілія , але пра крыўду дзяцей трэба гаварыць таксама ў кантэксьце разводу бацькоў”, - адзначыў арцыбіскуп Юзэф Міхалік.

Паседжаньне Канфэрэнцыі эпіскапату Польшчы працягнецца да заўтра. У гэтым часе біскупы абмяркуюць таксама пытаньне падрыхтоўкі да кананізацыі Яна Паўла ІІ і Сусьветнага дня моладзі.

аз