Палітыкі ідуць на фільм аб Валэнсе

Польскія палітыкі намераны паглядзець фільм пра Леха Валэнсу, хаця часта з ім не згаджаюцца. Учора ў Варшаве адбылася ўрачыстая прэм’ера кінастужкі Анджэя Вайды пра першага прэзыдэнта незалежнай Польшчы, лідара Салідарнасьці й ляўрэата нобэлеўскай мірнай прэміі.

На першым паказе стужкі былі прысутныя, між іншым, прэзыдэнт Браніслаў Камароўскі, спікер Сэйму Эва Копач, былыя прэм’ер-міністры Ганна Сухоцка, Ежы Бузэк ды Тадэвуш Мазавецкі.

У кінатэатры фільм “Валэнса. Чалавек з надзеі” уваходзіць 4 кастрычніка. Гэта будзе польскі кандыдат на Оскара.

нг