У Жэшаве асьвяцілі новую праваслаўную царкву

Мітрапаліт Варшаўскі і ўсяе Польшчы Сава ўдзельнчаў у асьвячэньні новага праваслаўнага храма ў Жэшаве.

Будаўніцтва царквы на вуліцы Цяністай у Жэшаве працягвалася два гады. Да гэтай пары набажэнствы праходзілі ў драўлянай царкоўцы, ўзьведзенай шэсьць гадоў таму дзеля адраджэньня праваслаўнага прыхода.

Як адзначыў мясцовы настаяцель прыхода бацюшка Дарыюш Бойчык, гісторыя Праваслаўнай царквы ў Жэшаве сягае XVІ стагодзьдзя. Тады ў горадзе былі тры царквы й два праваслаўныя манастыры.

У сёньняшняй урачыстасьці ўдзельнічалі таксама госьці з Украіны й Бразыліі, прадстаўнікі мясцовых ўладаў і Каталіцкага касьцёла.

аз