Полька за некалькі год скапіявала 150 тысяч “пірацкіх” файлаў

Нелегальныя фільмы, песьні, электронныя кнігі, агулам 150 тысяч файлаў, знайшлі паліцыянты ў 56-гадовай жыхаркі горада Намыслаў у Польшчы. Уступна суму стратаў творцаў і вытворцаў ацанілі на 1 млн. эўра.

Як устанавіла паліцыя, за 5 год жанчына скапіявала й зрабіла даступнымі для іншых карыстальнікаў Інтэрнэту 90 тысяч фільмаў, 48 тысяч песень і больш за 10 тысяч электронных кніг, якія аховаўліся аўтарскімі правамі.

За гэтае правапарушэньне жанчыне пагражае да 5 год турмы.

дг