Роварны рэйд памяці генэрала Станіслава Булак-Балаховіча
PR dla Zagranicy
Dzmitry Hurnievic
17.05.2013 10:26
Ён пройдзе па варшаўскіх месцах, зьвязаных зь імем генэрала.
“Беларуская Нацыянальная Памяць” запрашае на роварны рэйд памяці Станіслава Булак-Балаховіча, які пройдзе па варшаўскіх месцах, зьвязаных зь імем генэрала.
Рэйд пачнецца а 12 гадзіне 19 траўня ад помніка Дэ Голя, далей праз мост Панятоўскага на правы бераг Віслы - на вуліцу Парыжскую 27, месца сьмерці Булак-Балаховіча. Далейшы шлях павядзе на вайсковыя могілкі на Павонзках, месца сымбалічнага пахаваньня генэрала.
Станіслаў Булак-Балаховіч быў першым генералам Беларускай Народнай Рэспублікі і генералам польскага войска. Адзін зь лідараў узброенага супраціву бальшавікам у Беларусі.
дг