Жыць станем бядней

Польскія сем’і будуць вымушаны ашчаджаць у першым квартале гэтага году - гэтак вынікае з рапарту Нацыянальнага Банку Польшчы. Потым расходы крыху павялічацца, але не на шмат.
Боязі за фінансавую будучыню ды дрэнныя пэрспэктывы росту даходаў прывядуць да невялікага тэмпу росту спажываньня ў бліжэйшым квартале, - пазначаецца ў рапарце.
Прагнозы эканамічнага інстытуту НБП, якія грунтуюцца на дадзеных Галоўнага інстытуту статыстыкі за цэлы мінулы год, паказваюць, што тэмп росту спажываньня ў апошнім квартале мінулага году складае мінус 0,9%. Таксама ўпалі паказчыкі ўпэўненасьці палякаў у будучыні.

Галоўныя паказчыкі спажывецкіх настрояў у Польшчы на такім жа ўзроўні, які назіраўся на пачатку фінансавага крызысу ў 2009 годзе. Перш за ўсё, падае паказчык, які ацэньвае ці цяпер добры час для сур’ёзных пакупкаў. Паводле НБП, ён найлепш адлюстроўвае ў якім накірунку пойдуць зьмены індывідуальнага спажываньня. Іншымі словамі, ці палякі будуць гатовыя больш расходаваць на пакупкі рознага віду тавараў і паслуг для сям’і.

яс