1,5 тыс. мінаў у адным месцы

1,5 тыс. мінамётных снарадаў з часоў Другой сусьветнай вайны выкапалі сапёры ў вёсцы Бронцін Мазавецкага ваяводзтва. Пра знойдзеныя міны на адным з закінутых палёў паліцыю паінфармаваў мясцовы жыхар. Сапёры з вайсковай часткі Дэмбліна амаль тыдзень выкопвалі снарады зь зямлі.

Было выкапана 1500 штук мінамётных снарадаў, калібрам 82 і 120 мілімэтраў. Як кажуць у паліцыі, такая вялікая колькасьць снарадаў зьдзівіла сапёраў. Да гэтага часу ў адным месцы ім даводзілася выкопваць максымальна некалькі сотняў штук. Выкапаныя міны былі перавезеныя на палігон і там узарваныя.

Паводле мясцовых жыхароў, снарады на полі закапалі партызаны. Яны зьбіралі іх з розных мінных участкаў і зьмяшчалі ў адным месцы. Часамі ім дапамагалі мясцовыя.

ав