Уласнік „Amber Gold” арыштаваны

Photo: PAP/Rafał Guz

Кіраўнік польскага ўраду, міністры юстыцыі, фінансаў і генэральны пракурор пазнаёмілі сёньня дэпутатаў Сэйму з найноўшымі інфармацыямі па справе „Abmer Gold”.

Нагадаем, скандал зь фінансавымі ўстановамі банкаўскага тыпу ў Польшчы ўзьнік пасьля банкруцтва інвэстыцыйнай фірмы „Amber Gold”. Фірма прываблівала кліентаў вельмі карысным працэнтам на ўклады. Пасьля ейнага банкруцтва прыватныя інвэстары ня могуць атрымаць назад сваіх грошай - у суме амаль 140 мільёнаў злотых.

Раней уласьнік „Abmer Gold” быў некалькі разоў прысуджаны за фінансавыя махінацыі. Генэральная пракуратура запатрабавала перагляду згаданых справаў па факце невыкананьня абавязкаў паасобнымі пракуратурамі.

У сваю чаргу сёньня Гданьскі суд пастанавіў аб арышце ўласьніка „Amber Gold” на 6 месяцаў.

Супраць бізнэсмэна былі высунутыя сем абвінавачваньняў, у тым ліку ў буйным фінансавым махлярстве. Абвінавачанаму пагражае да 15 гадоў пазбаўленьня волі.

аз