EURO 2012 - даходы

Амаль мільярд злотых выдалі замежныя заўзятары ў Польшчы падчас Чэмпіянату Эўропы па футболе „EURO 2012”.

Паводле справаздачы суполкі „Pl.2012”, арганізатара мерапрыемства ў Польшчы, польская эканоміка будзе зарабляць на „EURO 2012” яшчэ цягам некалькіх бліжэйшых гадоў.

Падчас чэмпіянату Польшчу наведалі 600 тысячаў турыстаў і заўзятараў зь іншых краінаў. Але таксама цягам бліжэйшых гадоў, дзякуючы арганізацыйнаму посьпеху чэмпіяната, у Польшчу кожны год прыедзе, як мінімум, на 500 тысячаў турыстаў больш. Гэта, на думку экспэртаў, павысіць даходы турыстычнай галіны ў Польшчы на 4 мільярды злотых у год.

Паводле прагнозаў суполкі „Pl.2012”, дзякуючы, між іншым, інвэстыцыям у інфраструктуру у гадох 2013-2020 ВУП у Польшчы павысіцца ў суме на 20 мільярдаў злотых.

аз