Град памерам з курынае яйка

Пашкоджаныя амаль адна тысяча будынкаў ды грамадзкія аб’екты, - паведамляюць мясцовыя ўлады й зьвяртаюцца па дапамогу.

У сераду цягам 10 хвілін ішоў град велічынёю з курынае яйка. За гэты кароткі час градапад пашкодзіў дахоўку на будынках і зьнішчыў некалькі сотняў аўтамабіляў.

Сёньня пажарнікі забясьпечваюць дахі будынкаў поліэтыленам. Сацыяльныя камісіі ацэньваюць страты. Пацярпелыя могуць хадайнічаць за сацыяльную дапамогу ў памеры 1700 даляраў.

За апошнія дні ад навальніц пацярпелі дзясяткі мясцовасьцяў у Вармінска-Мазурскім і Падляскім ваяводзтвах.

Сёньня ў Вармінска-Мазурскім ваяводзтве ізноў прагназуюцца навальніцы.

яс