Гіганцкая лазанья прыгатаваная ў Вялічцы

wikipedia/Jon Sullivan (PDphoto.org)

Гіганцкая лазанья прыгатаваная ў польскім гарадку Вялічка каля Кракава. Страва мае 23 мэтры даўжыні й важыць 4 тоны. У горадзе цяпер пражываюць футбалісты нацыянальнай зборнай Італіі, і мясцовыя кухары пабілі Рэкорд Гінэса ў стварэньні найбуйнейшай італьянскай стравы. У фанзоне ў Вялічцы над стварэньнем лазаньі працавалі 25 кухараў. На прыгатаваньне расходавана 1,5 тоны макаронаў, 300 кіляграмаў сыра, 300 літраў соўсу. Лазанья сьпечана ў спэцыяльнай духоўцы, якая перасоўвалася ўздоўж стравы й яе пякла зьнізу й зьверху. Італьянскі прысмак падзялілі на 10 тыс. порцый і раздалі заўзятарам. Дарэчы, італьянскія балельшчыкі сказалі, што лазанья смачная.
Папярэдне найбольшую лазанью сьпяклі ў Каліфорніі некалькі гадоў таму – яна важыла 3 тоны 700 кіляграм. Такім чынам кухары зь Вялічкі ўстанавілі новы рэкорд. Дарэчы, два гады таму кракаўскія кухары ўстанавілі іншы рэкорд: яны сьпяклі піццу даўжынёй больш за кілямэтр. Над яе стварэньнем працавалі 200 майстроў кухні.

вс