Падрадчыкі пагражаюць блякадай стадыёну

Падрадчыкі, якія працуюць на Нацыянальным стадыёне ў Варшаве, пагражаюць блякадай аб’екту. Яны патрабуюць выплаты затрыманых зарплатаў ад галоўнага выканаўцы аб’екту.

Частка падрадчыкаў кажа, што яны выставілі рахункі за сваю працу яшчэ ў сьнежні, але грошай пакуль не атрымалі. Тым часам, ад падрадчыкаў патрабуюць аплаты падаткаў ад сродкаў, якіх галоўны выканаўца ім не пералічыў.

Падрадчыкі дэкляруюць, што калі не атрымаюць нявыплачаных зарплатаў, то могуць заблякаваць стадыён.

Тым часам, Нацыянальны цэнтар спорту паведамляе, што галоўны выканаўца ўжо атрымаў грошы за будаўніцтва аб’екту.

аз