Уса выклікаюць у пракуратуру

Кандыдата ў прэзыдэнты на выбарах 2010 году Дзьмітрыя Уса выклікаюць 19-га красавіка ў Генэральную пракуратуру.

У позве гаворыцца пра неабходнасьць зьявіцца ў Генпракуратуру да намесьніка начальніка аддзела па наглядзе за захаваньнем правоў і свабод грамадзян упраўленьня па наглядзе за выкананьнем заканадаўства й законнасьцю прававых актаў Паўла Елісеева „для даваньня тлумачэньняў у межах праверкі”.

З-за якой прычыны праводзіцца праверка, не паведамляецца.

Дзьмітры Ус ня можа назваць канкрэтныя падставы для выкліку ў Генпракуратуру. Паводле яго слоў, гэта можа быць зьвязана зь дзейнасьцю аргкамітэта па правядзеньні сходу ініцыятыўнай групы па зьмене выбарчага заканадаўства, з заклікам аргкамітэта да Аляксандра Лукашэнкі да 30-га ліпеня 2012 году добраахвотна пайсьці ў адстаўку, зь іскам у дачыненьні да яго з боку работніка ААТ „Гродна Азот” за заклікі ўвесьці санкцыі, зь нечым іншым.

БелаПАН/аз