Сёньня выклікаюць Бандарэнку

А 14-й гадзіне 18-га красавіка былы палітвязень, кіраўнік выбарчай кампаніі кандыдата ў прэзыдэнты Андрэя Саньнікава Дзьмітры Бандарэнка мусіць зьявіцца ў крымінальна-выканаўчую інспэкцыю ўпраўленьня ўнутраных справаў Ленінскага раёна Менска.

Пазоў з адпаведным патрабаваньнем даставіў Бандарэнку дадому супрацоўнік міліцыі.

Вызвалены 15-га красавіка з магілёўскай калёніі палітык мяркуе, што яго паставяць на ўлік і правядуць зь ім прафілактычную гутарку.

Учора аналягічную працэдуру ў інспэкцыі Першамайскага раёна сталіцы ўжо прайшоў экс-кандыдат у прэзыдэнты на выбарах 2010 году, лідар „Эўрапейскай Беларусі” Андрэй Саньнікаў.

Саньнікаву паведамілі, між іншым, што судзімасьць на ім застаецца на 8 гадоў. З гэтым зьвязаныя рашучыя абмежаваньні падчас знаходжаньня на волі.

svaboda.org/nn.by/аз