Б. Пятровіч абраны старшынём СБП

Барыс Пятровіч абраны старшынём Саюзу беларускіх пісьменьнікаў.

Учора ў Менску прайшоў ХVІ зьезд непрызнаванага ўладамі Саюзу беларускіх пісьменьнікаў.

Выбары старшыні прайшлі на безальтэрнатыўнай аснове: вылучана была адна кандыдатура - Барыса Пятровіча, які быў намесьнікам Алеся Пашкевіча й галоўным рэдактарам часопіса „Дзеяслоў”.

У сваю чаргу большасьцю галасоў дэлегатаў зьезду з СБП быў выключаны Васіль Якавенка.

Такім чынам дэлегаты падтрымалі рашэньне, прынятае раней Радай СБП.
Нагадаем, Васіль Якавенка абвінавачвае кіраўніцтва СБП у фальсыфікацыях, у тым ліку фінансавых.

За выключэнньне Якавенкі са складу пісьменьніцкай арганізацыі прагаласавалі 100 дэлегатаў, супраць — 22, яшчэ 29 чалавек устрымаліся.

БелаПАН/аз