Менск назваў Польшчу варожай

Лешак Шарэпка, фота P. Marczuk

Гэта рэакцыя беларускага МЗС на прэс-канфэрэнцыю Лешэка Шарэпкі, на якой ён выказваўся пра двухбаковыя адносіны, правы чалавека й сытуацыю польскай меншасьці ў Беларусі.

Нагадаю, польскі амбасадар сказаў, што Польшча больш за год чакае рашэньня беларускіх уладаў аб увядзеньні малога памежнага руху. Прэс-сакратар беларускага МЗС у адказ абвінаваціў польскі бок у тым, што гэта ён стварае „максымальна неспрыяльную атмасфэру” для рэалізацыі згаданай дамовы.

Андрэй Савіных таксама сказаў, што польскі амбасадар хлусіць кажучы, што Польшча сочыць за дэмакратычнымі пераменамі ў Беларусі. На яго думку, ёсьць шмат прыкладаў таго, што Варшава спрабуе ўплываць на ўнутырпалітычныя працэсы ў Беларусі.

Прэс-сакратар МЗС заявіў, што Менск вымушаны сьцьвердзіць, што дзейны польскі істэблішмэнт заняў варожую пазыцыю ў дачыненьні да Беларусі, а выказваньні амбасадара гэта пацьвярджаюць.

IAR/ав