Зьмены на КПП „Каменны Лог”

У якасьці экспэрымэнту на памежным пункце пропуску “Каменны Лог” паміж Беларусяй і Летувой зьменена арганізацыя руху аўтатранспарту. Мяркуецца, што гэта палепшыць умовы перасячэньня мяжы для пасажыраў.

Як паведамілі ў прэсавай службе Смаргонскага памежнага атраду, сутнасьць экспэрыменту палягае на разьмежаваньні плыні пасажыраў Эўразьвязу й Мытнага зьвязу, у які ўваходзіць Беларусь. Цяпер першая з 4 палос адведзена для грузавога транспарту, другая й трэцяя - для аўтатранспарту, і чацьвертая - для аўтобусаў ды спэцтранспарту. Раней такога канкрэтнага разьмежаваньня руху не было.

Беларускі бок мяркуе, што такі парадак перасячэньня мяжы паспрыяе найперш пасажырам з Мытнага зьвязу. Ці насамрэч інавацыя ў арганізацыі руху праз беларуска-летувіскую мяжу зробіць яго больш камфортным – пакажуць вынікі экспэрыменту.

Вацлаў Галімскі, Горадня