Польскія магілы ў Беларусі

На сьвята Ўсіх Сьвятых 1 лістапада традыцыйна магілы наведваюць польскія дыпляматы, актывісты Саюзу палякаў ды іншых польскіх арганізацый, а таксама мясцовыя жыхары.

У Горадні зьнічы зазіхацяць на магіле пісьменьніцы Элаізы Ажэшкі ды на вайсковых могілках: на магілах салдат польска-бальшавіцкай вайны 1920 году, магіле абаронцаў горада 1939 году ды ля Катынскага крыжа.

У Берасьці традыцыйна запальваюць сьвечкі на каталіцкіх могілках па вуліцы Пушкінскай.

Польскія дыпляматы ў Менску наведаюць каля 30 месцаў памяці – сказаў Польскаму радыё кіраўнік консульскага аддзелу амбасады Польшчы ў Менску Томаш Янік. „Мы пастараемся паехаць ў далёкія ад Менска месцы, куды не заўсёды нам удаецца трапіць”, - сказаў польскі дыплямат. Між іншым, прадстаўнікі амбасады ускладуць кветкі да магілы апошняга кіраўніка Касьцюшкоўскага паўстаньня Томаша Ваўжэцкага. Магіла знаходзіцца ў мясцовасьці Відзы на поўначы Беларусі.

яс