За Бяляцкага - ля амбасадаў РБ

Фота: Радыё "Свабода"

Учора ў розных гарадах Эўропы прайшлі акцыі салідарнасьці з арыштаваным старшынём Праваабарончага цэнтру „Вясна” Алесем Бяляцкім.

Акцыі праводзіліся, між іншым, ля амбасадаў Беларусі ў Стакгольме, Маскве, Кіеве, Вільні, Ерэване й іншых гарадах.

У Стакгольме ўдзельнікі пікету трымалі плякаты з надпісамі „Свабоду Алесю Бяляцкаму” па-беларуску й па-швэдзку. Арганізатарам дэманстрацыі не ўдалося перадаць у амбасаду адмысловы зварот.

У Маскве прайшла сэрыя аднаасабовых пікетаў – іхныя ўдзельнікі мяняліся кожныя 5 хвілінаў.

У акцыі ў Ерэване прынялі ўдзел 7 чалавек. Яны пярадалі зварот з патрабаваньнем вызваленьня Алеся Бяляцкага першаму сакратару беларускай амбасады.

На пікет у Вільні сабралося 9 чалавек, бо менавіта такая колькасць удзельнікаў дазваляе праводзіць акцыі без узгадненьня з уладамі.

spring96.org/аз