Задай пытаньне палітыку!

Група "Рэвалюцыя праз сацыяльныя сеткі" (РПСС) пачынае сэрыю анлайн-сустрэч зь беларускімі палітычнымі й грамадзкімі дзеячамі на старонцы групы "ВКонтакте".

Сёньня інтэрнэт-карыстальнікі маглі задаць пытаньне Віктару Івашкевічу, сустаршыні аргкамітэта па правядзеньні 8 кастрычніка агульнарэспубліканскай акцыі "Народны сход". Многіх цікавіў прагноз разьвіцьця падзей пасьля правядзеньня акцыі: наступствы для краіны, дзеяньні ўлад, лёс удзельнікаў.

Мэта гэтага праекта „Рэвалюцыі праз сацыяльныя сеткі”, паводле слоў аднаго з адміністратараў сайта Дыянава, — арганізаваць "дыялёг паміж шырокімі масамі людзей і палітыкамі".

Група РПСС выступіла ініцыятарам акцый мірнага пратэсту грамадзян, якія прайшлі з 8 чэрвеня па пачатак жніўня гэтага года ў розных гарадах Беларусі.

БелаПАН/яс