Беларусь распачне экспарт норак у Кітай

Белкаапсаюз плянуе пачаць экспарт норак у Кітай, паведаміў сёньня першы намесьнік старшыні праўленьня Белкаапсаюза Аляксандр Скрундзеўскі, перадае карэспандэнт БЕЛТА.

«Мы ўжо крыху працавалі з Кітайскай Народнай Рэспублікай, і сёньня плянуем у большай ступені адкрыць для сябе гэты рынак. Мы прадаём туды пушную сыравіну і ставім задачу прапанаваць племяннога зьвера – норку», – расказаў Аляксандр Скрундзеўскі.

Паводле чыноўніка, атрыманы ўсе санітарныя і вэтэрынарныя дакумэнты для пастаўкі ў Кітай жывых норак. На Белкаапсаюз прыпадае да 2 працэнтаў сусьветнага аб'ёму вытворчасьці норкі.

Штогод Белкаапсаюз вырабляе больш за 500 тыс. штук шкурак норкі, да 2020 года гэты паказчык плянуюць павялічыць прыкладна да 700 тыс. шкурак. Экспарт усіх відаў прадукцыі Белкаапсаюза ў 2018 годзе склаў каля $50 млн, па выніках 2019 года гэту лічбу разьлічваюць павялічыць.

эж