Беларусь гатовая ўзнавіць транзытныя пастаўкі нафты ў Польшчу і Ўкраіну

Беларусь гатовая аднавіць транзыт расейскай нафты па трубаправодзе «Дружба» ў напрамку Украіны і Польшчы пасьля атрыманьня ад іх адпаведных узгадненьняў, паведамілі ў канцэрне «Белнафтахім». Раней паведамлялася, што транзытнае прапампоўваньне ў напрамку Украіны прыпыненае з-за адсутнасьці свабодных рэзэрвуараў на ўкраінскай тэрыторыі для адпампоўваньня бруднай нафты, што знаходзіцца ў трубаправодзе. Транзыт нафты ў бок Польшчы не вядзецца, 24 красавіка ён спынены на нявызначаны тэрмін.

Сыстэма нафтаправода «Дружба» забясьпечвае пастаўкі нафты на беларускія НПЗ і транзыт нафты ў Эўропу праз Беларусь па двух напрамках – цераз Польшчу і Украіну.

belta.by/нг