ЭБРР пагоршыў прагноз росту эканомікі Беларусі ў 2019 годзе

Эўрапейскі банк рэканструкцыі й разьвіцьця (ЭБРР) пагоршыў прагноз росту эканомікі Беларусі ў 2019 годзе.

У абноўленым травеньскім аглядзе ЭБРР чакае рост ВУП Беларусі ў 2020 годзе на ўзроўні 1,8%. У лістападзе ў традыцыйным рэгіянальным аглядзе ЭБРР прагназаваў рост 2,5%.

Экспэрты банка тлумачаць запаволеньне тэмпаў росту беларускай эканомікі ўзмацненьнем зьнешніх рызык, у прыватнасьці, нэгатыўнымі наступствамі расейскага «падатковага манэўру» ў нафтавай сфэры.

У дакладзе адзначаецца, што тэмп росту ВУП Беларусі ў 2018 годзе вырас да 3% з 2,4% у 2017 годзе і «быў абумоўлены пашырэньнем унутранага попыту й экспарту, хоць чысты экспарт быў на самай справе адмоўны».

У красавіку 2019 году Міжнародны валютны фонд таксама зьнізіў ацэнку росту ВУП Беларусі ў 2019 годзе да 1,8% (з 2,4%, якія прагназаваліся ў студзені).

​На 2019 год Аляксандар Лукашэнка паставіў задачу росту ВУП на 4%, бюджэт краіны сфармаваны зыходзячы з кансэрватыўнага сцэнару росту эканомікі на ўзроўні 2,1%. Паводле Белстату, за студзень-сакавік 2019 году ВУП Беларусі вырас на 1,1% ад аналягічнага леташняга пэрыяду.

радыё свабода/вс