У Беларусі ня будзе страхавой мэдыцыны

Міністэрства аховы здароўя не плянуе пераходзіць на страхавую сыстэму аховы здароўя.

Чыноўнікі тлумачаць гэта тым, што эфэктыўна дзейнічае бюджэтная сыстэма аховы здароўя. Пытаньне аб пераводзе мэдыцыны ў Беларусі на іншую сыстэму цяпер не разглядаецца, – адзначылі ў Міністэрстве аховы здароўя.

Пры гэтым беларускі бок спасылаецца на ацэнкі Сусьветнай арганізацыі аховы здароўя (СААЗ), якая адзначыла, што ў Беларусі вельмі высокая даступнасьць мэдычных паслуг. Кожны чалавек можа атрымаць кваліфікаваную мэдычную дапамогу бясплатна.

Апроч таго, у якасьці станоўчага моманту СААЗ ацэньвае пераход да сыстэмы ўрача агульнай практыкі, што пашырае спэктар паслуг, якія можна атрымліваць пры першым звароце.

Паводле Белта/юл