У ДМК распавялі, за колькі бэнзіну ў каністры могуць аштрафаваць на мяжы

У адпаведнасьці з рашэньнем Эўразійскай эканамічнай камісіі ад 20 сьнежня 2017 году №107, да тавараў для асабістага карыстаньня можа быць аднесенае паліва, якое вывозіцца за межы ЭАЭС, якое знаходзіцца ў звычайных баках транспартнага сродку, а таксама ў асобнай ёмістасьці ў колькасьці ня больш за 10 літраў. Пра гэта паведамілі ў Дзяржаўным мытным камітэце.

У выпадку перавышэньня вызначанага аб'ёму (звыш 10 літраў) грамадзяніну будзе адмоўлена ў выпуску такога тавару. За недэкляраваньне тавару, які падлягае абавязковаму дэкляраваньню, асоба будзе прыцягнутая да адміністрацыйнай адказнасьці ў адпаведнасьці зь дзеючым заканадаўствам Беларусі. Ажыцьцявіць вываз можна толькі пры дапамозе мытнай працэдуры ў пункце мытнага афармленьня з абавязковай выплатай мытных плацяжоў.

Для даведкі: больш за 100 спробаў незаконнага вывазу паліва за межы краіны спынена з пачатку 2019 года Гарадзенскай рэгіянальнай мытняй.

тэлеграф/вс