Беларусь і ЗША могуць прызначыць паслоў праз год-два

Беларусь і ЗША могуць прызначыць паслоў праз год-два, заявіў журналістам намесьнік міністра замежных спраў Беларусі Алег Краўчанка.

«Заўсёды ёсьць практычныя пытаньні, якія павінны вырашаць абодва бакі, магчыма, амэрыканскі нават у большай ступені, чым мы, таму што ў іх дастаткова працяглы бюракратычны працэс. Але мы на шляху да гэтага. Я пэрспэктыву вырашэньня гэтага пытаньня ацэньваю недзе ў год-два», – сказаў Алег Краўчанка.

Ён растлумачыў, што гэты тэрмін залежыць не ад таго, што краіны не дамовіліся па нейкіх пытаньнях, а ад тэхнічных працэдур, правядзеньне якіх можа заняць працяглы час.

белта/вс