Штогод у Беларусі 10-13 чалавек памірае ад мэнінгакокавай інфэкцыі

Сьмяротнасьць ад мэнінгакокавай інфэкцыі ў Беларусі за апошнія 10 гадоў зьнізілася ўдвая, паведаміў прафэсар катэдры інфэкцыйных хвароб Беларускага дзяржаўнага мэдыцынскага ўнівэрсытэта Сяргей Жаваранак.

Паводле яго слоў, калі раней ад маланкавай інфэкцыі паміралі 28-30 чалавек штогод, то цяпер у год рэгіструецца 10-13 сьмяротных выпадкаў.

Па дадзеных Міністэрства аховы здароўя, паказчык захворваньня ў краіне складае менш за адзін выпадку на 100 тыс. насельніцтва. Найбольшае захворваньне рэгістравалі ў 2000 годзе – 3,7 выпадкі на 100 тыс. насельніцтва, найменшую – у 2018-м (0,6 выпадка на 100 тыс.).

У асноўным да інфэкцыі схільныя дзеці да пяці гадоў, адзначыў Жаваранак. «Чалавек гіне, не ад самога мэнінгіту, а часьцей ад такога грознага сіндрому, як кровазьліцьцё ў наднырачнікі. Іх нельга перасадзіць. Таму дзейнічаць трэба хутка. Калі зьявіліся сымптомы – моцны галаўны боль, тэмпэратура і асабліва сып, які пачынае нарастаць, часьцей на ніжніх канечнасьцях, ягадзіцах, трэба зьвяртацца па меддапамогу », – сказаў прафэсар.

У сьвеце лятальнасьць ад менінгакокавай інфэкцыі складае 5% выпадкаў, то ёсьць у кожнага дваццатага які захварэў. У Беларусі гэтая лічба значна меншая, падкрэсьліў Жаваранак.

З 20 лютага 2018 года, калі ў Беларусі былі выяўлены першыя хворыя, у краіне зарэгістравана 254 выпадкі мэнінгіту. За першыя два месяцы 2019 гады адзін новы выпадак захворваньня зафіксаваны ў Магілёўскай вобласьці. За ўвесь мінулы год у гэтым рэгіёне было зафіксавана восем выпадкаў.

naviny.by/яс