У Горадні будуць рабіць мэблю для IKEA
PR dla Zagranicy
Jolanta Śmiałowska
27.03.2019 14:52
Партнёр IKEA кампанія «Габі-бел» зарэгістравана ў якасьці рэзыдэнта свабоднай эканамічнай зоны «Горадняінвест»
Photo: OiMax/flickr.com/Commercial use allowed
Інвэстыцыйным праектам прадугледжваецца стварэньне ў Горадні новага прадпрыемства па вытворчасьці мэблі.
Пра гэта паведамляе сайт СЭЗ.
У рамках праекту заплянавана будаўніцтва вытворчых памяшканьняў плошчай да 20.000 м2, плянуецца стварыць 170 новых працоўных месцаў.
«Інвэстыцыйны праект зьяўляецца экспартаарыентаваным. Асноўным спажыўцом прадукцыі кампаніі «Габі-Бел» стане група кампаніяў IKEA з рынкамі збыту ў краінах Эўрапейскага Зьвязу і СНД», – паведамляецца ў прэс-рэлізе.
IKEA – швэдзкая вытворча-гандлёвая група кампаніяў, якая валодае адной з самых буйных у сьвеце гандлёвай сеткай па продажы мэблі і тавараў для дому.
belsat.eu/яс