Мінпрыроды папярэджвае аб штрафах за выпальваньне травы

Міністэрства прыродных рэсурсаў і аховы навакольнага асяродзьдзя папярэджвае аб адказнасьці за выпальваньне сухой травы, паведамляецца на сайце ведамства.

У Мінпрыроды зьвярнулі ўвагу, што ў сувязі з раньнім устанаўленьнем цёплага надвор'я ў рэспубліцы пачынаецца паўсюль выпальваньне сухой расьліннасьці, асабліва ў яе паўднёвых раёнах, што нэгатыўна ўплывае на навакольнае асяродзьдзе.

У адпаведнасьці з законам «Аб расьлінным сьвеце» выпальваньне сухой расьліннасьці (сухіх расьлін) і яе рэшткаў катэгарычна забараняецца. За невыкананьне патрабаваньня прадугледжана адказнасьць у адпаведнасьці з Кодэксам аб адміністрацыйных правапарушэньнях.

За незаконнае выпальваньне сухой расьліннасьці або непрыняцьце мер па ліквідацыі выпальваньняў пагражае штраф ад 10 да 40 базавых велічынь (1 БВ – 25,5 рублёў). Разьвядзеньне вогнішча ў забароненых месцах вядзе да папярэджаньняя або накладаньня штрафу ў памеры да 12 БВ.

nn.by/эж