У Горадні зьбіраюць подпісы за белмову на магілах паўстанцаў 1863-64 гадоў

У Горадні пачалі збор подпісаў пад зваротам на імя прэзыдэнта Летувіскай Рэспублікі аб уключэньні беларускай мовы на будучыя помнікі на магілах паўстанцаў 1863-64 гадоў.

У тэксьце звароту гарадзенцы адзначылі пра выключную для Беларусі ролю асобы Кастуся Каліноўскага й ягоных паплечнікаў у фармаваньні беларускай нацыянальнай ідэі.

Зварот датычыць ня нейкага адзінкавага помніка, а ўсіх, якія будуць ставіцца з нагоды ўшанаваньня паўстанцаў Кастуся Каліноўскага, парэшткі якіх знойдзеныя на гары Гедыміна ў Вільні.

Падпісныя лісты знаходзяцца ў гарадзенскіх этна-краме «Цудоўня» й краме «Адметнасьць». Далучыцца да акцыі можа кожны.

Пераклаў на летувіскую мову зварот да прэзыдэнта Летувы паэт Юозас Рыбікаўскас.

радыё рацыя/вс