У Беларусі дапоўнілі сьпіс атрымальнікаў бясплатных лекаў

У Беларусі дапоўнілі сьпіс атрымальнікаў бясплатных лекаў. Адпаведную пастанову (№ 152 ад 11 сакавіка) прыняў Савет міністраў. Ёй дапоўнены пералік захворваньняў, пры якіх грамадзяне маюць права на бясплатнае забесьпячэньне лекавымі сродкамі па рэцэптах урачоў пры амбуляторным лячэньні. Былі даданыя лёгачная гіпэртэнзія, аўтаімунны гепатыт, першасны склеразіруючы халянгіт, першасныя імунадэфіцыты.

Таксама згаданай урадавай пастановай здымаюцца ўзроставыя абмежаваньні для пацыентаў з булезным эпідэрмолізам для атрыманьня лекаў (на льготных умовах) для апрацоўкі паверхні ранаў і перавязачных матэрыялаў. Дагэтуль падобныя льготы мелі толькі дзеці ва ўзросьце да 18 гадоў.

У дакумэнце, які пачынае дзейнічаць пасьля афіцыйнага апублікаваньня, нарматыўна замацаваная магчымасьць афармленьня рэцэптаў у электронным выглядзе.

euroradio.fm/аз