У Берасьці запусьцяць акумулятарны завод

Пры канцы лютага адбыўся прэс-тур па тэрыторыі акумулятарнага заводу, які пад Берасьцем будуе кампанія «АйПаўэр».

На яго запрасілі супрацоўнікаў дзяржаўных СМІ, а таксама журналістаў парталу Tut.by і агенцтва БелаПАН.

Падчас экскурсіі па амаль дабудаваным заводзе галоўны інжынэр прадпрыемства Сяргей Дубнавіцкі паведаміў, што першыя акумулятары плянуецца выпусьціць ужо ў сакавіку.

Цалкам вытворчасьць плянуюць запусьціць пасьля правядзеньня ўсіх выпрабаваньняў, паведаміла кампанія. Для запуску заводу атрыманыя ўсе дазволы. У тым ліку экалягічная экспэртыза». Напоўніцу працаваць акумулятарны завод зможа летам. Гэта значыць, на год пазьней, чым плянавалася першапачаткова.

Рашэньнем незадаволеныя жыхары разьмешчаных побач з заводам дамоў. Яны заяўляюць, што будуць працягваць супрацьстаяньне з непажаданым суседзтвам.

Паводле Радыё «Свабода»/юл