Лукашэнка сабраў на нараду эканамічны блёк

Аляксандр Лукашэнка сабраў на нараду эканамічны блёк краіны. На мерапрыемстве абмяркоўваецца спэктар пытаньняў, пачынаючы ад міжнароднага супрацоўніцтва да павышэньня эфэктыўнасьці працы асобных прадпрыемстваў, піша БелТА.

«Сёньня традыцыйная нарада з эканамічным блёкам нашай дзяржавы, ядром якога зьяўляецца ўрад. Паколькі пытаньні, вынесеныя на нараду, датычацца і парлямэнта, і Камітэта дзяржкантролю, Адміністрацыі прэзыдэнта, іншых структур, мы запрасілі сюды кіраўнікоў (гэтых дзяржорганаў). Разгледзім некалькі законапраектаў, якія непасрэдна будуць уплываць на дзелавое асяродзьдзе. Яны датычацца і міжнароднага супрацоўніцтва, узаемадзеяньня з Эўрапейскім банкам рэканструкцыі і разьвіцьця, мытных пытаньняў», – акрэсьліў тэматыку ў сустрэчы кіраўнік дзяржавы.

Акрамя таго, урад унёс прапановы па павышэньні эфэктыўнасьці работы асобных прадпрыемстваў. «Хачу нагадаць: ніякіх паблажак быць не павінна.
І хопіць мне ўносіць прапановы па дзесяць разоў па тых прадпрыемствах, якія раней не выканалі абяцанае. Толькі пасьля таго, як (чарговы раз нагадваю) кіраўнікі (падобных прадпрыемстваў) пойдуць у месцы не надта аддаленыя, мы будзем разглядаць прапановы ў другі і трэці раз.

А так кіраўніцтва прадпрыемстваў сябе выдатна адчувае. Правалілі абяцанае, не вярнулі канкрэтна грошы ў бюджэт ці інвэстару, а бюджэт за іх павінен зараз плаціць і адказваць на іх даўгах. Трэба гэтую практык у было скончыць учора», – падкрэсьліў беларускі кіраўнік.

nn.by/эж