Апазыцыя паскардзілася на аплаты за арганізацыю масавых акцый
Дэлегацыя беларускіх апазыцыйных палітыкаў удзельнічае ў форуме „Эўранэсту” ў Брусэлі.
Дэлегацыя беларускіх апазыцыйных палітыкаў удзельнічае ў форуме „Эўранэсту” ў Брусэлі. Як паведаміў адзін зь лідэраў Беларускай хрысьціянскай дэмакратыі Віталь Рымашэўскі, беларускія апазыцыянэры пашырылі тэзы сваіх выступаў у сувязі з новым парадкам аплаты за „паслугі” міліцыі, мэдыкаў і ЖКГ, якая кладзецца пастановай ураду Беларусі на заяўнікаў масавых акцый.
„Да будучага суду над галоўнай рэдактаркай парталу tut.by Марынай Золатавай, да новых атак на хрысьціянскія царквы, да іншых прыкладаў парушэньня правоў чалавека дадалася драконаўская пастанова ўраду аб грашовых выдатках на масавыя акцыі. Мы будзем тлумачыць нашым партнэрам, што новыя ўмовы правядзеньня пікетаў і мітынгаў робяць іх фактычна немагчымымі”, - сказаў Віталь Рымашэўскі.
У Брусэлі разам з Рымашэўскім знаходзяцца Ірына Вештард, Юрась Губарэвіч, Сяргей Калякін, Ганна Канапацкая, Анатоль Лябедзька.
Паводле Рымашэўскага, беларускія правацэнтрысты (прадстаўнікі АГП, БХД, руху „За свабоду”) правядуць таксама сустрэчы з прадстаўнікамі Эўрапейскай народнай партыі, якая мае найбуйнейшую фракцыю ў Эўрапарлямэнце, і чыноўнікамі Эўракамісіі, якія займаюцца краінамі „Ўсходняга партнэрства”.
„Эўранэст” - гэта парлямэнцкая пляцоўка, створаная ў рамках праграмы „Ўсходняе партнэрства”. Яна садзейнічае палітычнай асацыяцыі й паглыбленьню эканамічнай інтэграцыі паміж Эўрапейскім Зьвязам і краінамі „Ўсходняга партнэрства”.
Першае пасяджэньне „Эўранэсту” прайшло 2 траўня 2011 году ў Брусэлі. У ім удзельнічалі парлямэнтары пяці краін „Усходняга партнэрства” (Азэрбайджан, Армэнія, Грузія, Малдова, Украіна).
Афіцыйная беларуская дэлегацыя ў працы „Эўранэсту” ня ўдзельнічае таму, што тут працуюць беларускія апазыцыянэры.
svaboda.org/аз
Дэлегацыя беларускіх апазыцыйных палітыкаў удзельнічае ў форуме „Эўранэсту” ў Брусэлі. Як паведаміў адзін зь лідэраў Беларускай хрысьціянскай дэмакратыі Віталь Рымашэўскі, беларускія апазыцыянэры пашырылі тэзы сваіх выступаў у сувязі з новым парадкам аплаты за „паслугі” міліцыі, мэдыкаў і ЖКГ, якая кладзецца пастановай ураду Беларусі на заяўнікаў масавых акцый.
„Да будучага суду над галоўнай рэдактаркай парталу tut.by Марынай Золатавай, да новых атак на хрысьціянскія царквы, да іншых прыкладаў парушэньня правоў чалавека дадалася драконаўская пастанова ўраду аб грашовых выдатках на масавыя акцыі. Мы будзем тлумачыць нашым партнэрам, што новыя ўмовы правядзеньня пікетаў і мітынгаў робяць іх фактычна немагчымымі”, - сказаў Віталь Рымашэўскі.
У Брусэлі разам з Рымашэўскім знаходзяцца Ірына Вештард, Юрась Губарэвіч, Сяргей Калякін, Ганна Канапацкая, Анатоль Лябедзька.
Паводле Рымашэўскага, беларускія правацэнтрысты (прадстаўнікі АГП, БХД, руху „За свабоду”) правядуць таксама сустрэчы з прадстаўнікамі Эўрапейскай народнай партыі, якая мае найбуйнейшую фракцыю ў Эўрапарлямэнце, і чыноўнікамі Эўракамісіі, якія займаюцца краінамі „Ўсходняга партнэрства”.
„Эўранэст” - гэта парлямэнцкая пляцоўка, створаная ў рамках праграмы „Ўсходняе партнэрства”. Яна садзейнічае палітычнай асацыяцыі й паглыбленьню эканамічнай інтэграцыі паміж Эўрапейскім Зьвязам і краінамі „Ўсходняга партнэрства”.
Першае пасяджэньне „Эўранэсту” прайшло 2 траўня 2011 году ў Брусэлі. У ім удзельнічалі парлямэнтары пяці краін „Усходняга партнэрства” (Азэрбайджан, Армэнія, Грузія, Малдова, Украіна).
Афіцыйная беларуская дэлегацыя ў працы „Эўранэсту” ня ўдзельнічае таму, што тут працуюць беларускія апазыцыянэры.
svaboda.org/аз